Kalyo

Pangit tingnan, nakaka-conscious ang kalyo.

Naalala ko lang kasi nahalungkat ko yung luma kong sapatos na nagbigay din ng kalyo sa paa ko. Dalawang beses ko lang kasi naisuot yun, pero dahil nga kinalyo ako, hindi ko na inulit isuot.

Pero may mga kalyo din ako dati na namimiss ko at gusto kong magkaroon ulit. Yung kalyo ko sa mga daliri noong nagpapakatrying hard akong maggitara. Noon din, madalas akong maggupit ng kuko, hehe, siyempre para maayos ang mga diin sa kwerdas.

Haay, sobrang tagal ko ng hindi nakakapaggitara. Inaalikabok na nga yung gitara ko sa music room ng 8liens. Naninibugho na siguro sa kin yun at nagtatanong kung kailan ko ba ulit siya patutugtugin, o kailan ako ulit gagawa ng kanta…

Namimiss ko na talagang kalyuhin sa kamay.

Di bale, pag sinipag ako, iuuwi ko na si gitara. Para naman makapagpahinga sumandali ang BNL at si Bayang at Chikoy sa Rhythmbox Music Player ko.